Оқу-ағарту вице-министрі Ғани Бейсембаев Қызылорда облысы халқы алдында есеп беру кездесуін өткізді. Сондай-ақ ол білім беру ұйымдарын аралап, облыс тұрғындары алдында есеп беру кездесуін өткізді, деп хабарлайды BAQ.KZ.
Вице-министр облыс тұрғындарына министрлік атқарып жатқан жұмыстың негізгі бағыттары туралы айтып берді.
Мектепке дейінгі, орта, техникалық және кәсіптік білім беру саласына енгізіліп жатқан жаңалықтар мен маңызды өзгерістер туралы жұртшылыққа мағлұмат берді.
Кездесудің басым бөлігі тұрғындардың, ата-аналардың, мұғалімдердің сұрақтарына арналды.
Олар мұғалімдерді жұмысқа қабылдау, педагогтердің жүктемесі, жекеменшік мектептерді тегін оқулықтармен қамтамасыз ету мәселелерін көтерді.
Тұрғындарды аз қамтылған отбасы балаларын ыстық тамақпен қамту мәселесі де толғандырды.
