Нұр-Сұлтан, BAQ.KZ. Жамбыл, Түркістан, Алматы облыстарында және Алматы қаласының іргелес аумақтарында, жаңбыр жауып, өзендерде су деңгейінің көтерілуі күтіледі.
Қазгидрометтің хабарлауынша, Батыс Қазақстан облысының кей жерлерінде найзағай ойнап, бұршақ жауады.Оралда 3 маусымда күндіз найзағай, оңтүстік-шығыстан солтүстік-батысқа ауысып соғатын желдің күші 18 м/с күтіледі.
3 маусымда түнде, 4, 5 маусымда күндіз Жамбыл облысында кей жерлерде қатты жаңбыр күтіледі. Кей жерлерде найзағай, дауыл, бұршақ күтіледі. Оңтүстік-батыстан соғатын жел шығысқа ауысады, найзағай кезінде екпіні 15-20 м/с күтіледі.
Таразда 3-5 маусымда кей уақытта найзағай ойнап, дауыл тұрып, бұршақ жауады деп күтілуде. Оңтүстік-батыстан соғатын жел шығысқа ауысады, найзағай кезінде екпіні 15-20 м/с күтіледі.
Солтүстік Қазақстан облысында түнде кей жерлерде найзағай күтіледі. Солтүстік-батыстан жел соғады, күші кей жерлерде 15-20 м/с.
Дауылды ескертудің ықтималдығы 90-95 %. Қостанай облысының кей жерлерінде солтүстік-батыстан жел соғады, күші 15-20 м/с, түнде және таңертең кей жерлерінде найзағай күтіледі. Қостанайда 3 маусымда жел солтүстік-батыстан соғады, күші 15-20 м/с, түнде найзағай күтіледі. Дабылды ескертудің ықтималдылығы 90-95%
