Ташкент қаласында (Өзбекстан) өтіп жатқан әлем біріншілігінде Нұрбек Оралбай чемпион атанды, деп хабарлайды BAQ.KZ.
Нұрбек Оралбай 80 келіге дейінгі салмақта финалда қытайлық қандасымыз Тоқтарбек Таңатханмен жұдырықтасты. Бірінші раундта бес төрешінің төртеуі ұпайды Оралбайға берді. Екінші кезең қазақстандықтың басымдығы сақталды. Сөйтіп отандасымыз өзінің басымдығын танытып, чемпион атанды.
Осылайша Қазақстан құрамасы әлем чемпионатын 4 алтын, 1 күміс медальмен аяқтады. Бұл - жалпы командалық есепте 2-орын.
