Нұр-Сұлтан, BAQ.KZ. Қалалық мәдениет басқармасының мәліметінше, отшашу жоспарланбаған.
Қалалық әкімшіліктің мәліметінше, мамыр айындағы мерекелерде Астанада 40-тан астам іс-шара жоспарланған, оның ішінде 9 мамырда өтетін ірі іс-шаралар:
- "Даңқ гирляндаларын" қою рәсімі;
- Ұлы Отан соғысына қатысушылардың ескерткіштеріне гүл шоқтарын қою;
- Бейбітшілік және келісім сарайында өтетін "Майдан хаттары" концерт-спектаклі;
- "Жастар" сарайының концерт залында өтетін "Соғыс жолдарымен" концерті;
- Жеңіс күніне арналған цирк бағдарламасы.
Сонымен қатар, 9 мамырда жалпы білім беретін мектеп оқушылары, ЖОО студенттері арасында жыл сайынғы дәстүрлі жеңілатлетикалық эстафета өтеді. Эстафета сағат 10:00-де Әлия Молдағұлова ескерткішінің жанында басталып, Жеңіс көшесінде аяқталады.
Аталған іс-шаралар барлық санитарлық-эпидемиологиялық нормалар мен ережелер талаптарының сақталуын ескере отырып, офлайн-форматта өтеді.
"Жаужүрек полкі" (Өшпес полк. – Ескерту) акциясы әлеуметтік желідегі "Жаужүрек полкі" бірыңғай ақпараттық платформасында онлайн режимінде өтеді деп жоспарланып отыр.
