Астанаға келген нидерландылық сарапшылар су саласындағы тәжірибелерімен бөлісіп жатыр. Шетелдік мамандар су тасқыны қаупін болжау тақырыбында семинар өткізуде, деп хабарлайды BAQ.KZ.
Іс-шара осы жылдың мамыр айында Су ресурстары және ирригация министрлігі мен Дельфт су білімі институты (IHE Delft) арасында қол қойылған меморандум аясында ұйымдастырылды.
![Нидерланды сарапшылары су саласындағы тәжірибелерімен бөлісті](/userfiles/images/6c61825c-ceed-4dc9-b887-d564023fe53e.jpg)
Семинарға Су ресурстары және ирригация министрлігінің, Төтенше жағдайлар министрлігінің, Қазақ су шаруашылығы ғылыми-зерттеу институтының, География және су қауіпсіздігі институтының және «Қазақстан Ғарыш Сапары» ұлттық компаниясының мамандары қатысуда.
![Нидерланды сарапшылары су саласындағы тәжірибелерімен бөлісті](/userfiles/images/8a819d10-b17b-4088-9766-4d2f02fbaa35.jpg)
Іс-шараның басты мақсаты - су тасқынына қарсы іс-қимыл мәселелерімен айналысатын қазақстандық мамандардың біліктілігін арттыру. Семинар 30 тамызға дейін жалғасады.