Астана, BAQ.KZ. KPMG аудиторлық компаниясы Football Benchmark жобасы аясында футболшылардың қазіргі таңдағы трансферлік құнына баға беріп, әлемнің ең қымбат ойыншысын атады. Рейтингте бірінші болып тұрған – «Пари Сен-Жермен» шабуылшысы Неймар. Бұл туралы vesti.kz сайты хабарлайды.
2019 жылдың қаңтарында 26 жастағы бразилиялықтың құны 229 миллион еуро болып тұр. Оның командаласы тізімде екінші – 20 жастағы Килиан Мбаппе (215 миллион еуро). «Алтын допты» бес рет иеленген «Барселонаның» аргентиналық шабуылшысы Лионель Месси (203,3 миллион еуро) – үшінші.
Ал «Алтын допты» бес рет иеленген тағы бір футболшы ондыққа кірмеді. Трансферлік құны 107 миллион еуро туриндік «Ювентус» форварды Криштиану Роналду тізімде 12-тұр.
KPMG тұжырымы бойынша ең қымбат 10 футболшы:
1.Неймар (ПСЖ) – 229 миллион еуро;
2. Килиан Мбаппе (ПСЖ) – 215 миллион;
3. Лионель Месси («Барселона») – 203 миллион;
4. Мохамед Салах («Ливерпуль») – 168 миллион;
5. Харри Кейн («Тоттенхэм») – 151 миллион;
6. Эден Азар («Челси») – 148 миллион;
7. Кевин де Брюйне («Манчестер Сити») – 129 миллион;
8. Антуан Гризманн («Атлетико» Мадрид) – 126 миллион;
9. Поль Погба («Манчестер Юнайтед») – 119 миллион;
10. Филиппе Коутиньо («Барселона») – 118 миллион.
