Бас жаңалықтар
Елдің таңдауы лайықты тұлғаға түсті – Зүлфия Ғабидуллина
13 Маусым 2019, 08:35 334

Елдің таңдауы лайықты тұлғаға түсті – Зүлфия Ғабидуллина

Тараз, BAQ.KZ тілшісі. Қазақстан Республикасы президентін ұлықтау күнін барша қазақстандық асыға күтті. Өйткені, ел тарихындағы екінші президенттің халықтың таңдауы бойынша сайланып, ұлықталған сәті ең маңызды оқиға ретінде халық жадында сақталады. Рио-де-Жанейро Паралимпиада ойындарының жеңімпазы Зүлфия Ғабидуллина өзінің ойымен осылай бөлісті.

«Мен де сайлауда әлемдік аренада беделі зор, мемлекетшіл тұлға Қасым-Жомарт Тоқаевтың кандидатурасын қолдап, дауысымды бергенмін. Сенімімнің алдамағанына қуанамын. Мен таңдаған үміткер айқын басымдықпен жеңіске жетті. Елдің таңдауы лайықты тұлғаға түсті. Ол – қазақстандықтардың сенім үдесінен шығып, Отаны үшін барынша адал еңбек ете алатын азамат», - деді спортшы.

Чемпион сол себептен де бүгінгі ел президентін ұлықтау рәсімін аса жоғары көңіл-күймен, қуанышпен көріп, тамашалаған.

«Менің жүздеген әріптесім, белгілі спортшылардың бәрі де сол сәтте қуанышты күй кешті деп ойлаймын. Себебі, ың-шыңсыз сайлау өткізіп, лайықты президентімізді таңдап алғанымыз – үлкен жеңіс», - деді Зүлфия Ғабидуллина.

Паралимпиадалық ойындарының жеңімпазы заң талабына сәйкес Ант қабылдап, қызметіне кіріскен Қасым-Жомарт Тоқаевтың жұмысына жеміс, өзіне зор денсаулық тіледі. Қазақ елінің мәртебесін биіктету жолында аянбайтынына сенім білдіріп, Қазақстанды тек дамыған, өркендеген мемлекет ретінде елестететінін жеткізді.


Фото: ашық дереккөз
Загрузка...

Сізден жаңалық