Нұр-Сұлтан, BAQ.KZ тілшісі. Зорлық-зомбылықпен күресте тек құқықтық шаралардың болғаны аз, деді ҚР ақпарат және қоғамдық даму министрі Аида Балаева онлайн өткен дөңгелек үстел барысында.
Тұрмыстық зорлық-зомбылық мәселесі әлем бойынша өте өзекті мәселе. Қазақстан қоғамында да аталған мәселе жыл санап артып барады. Бас прокуратураның құқықтық статистика комитетінің мәліметтеріне сәйкес, 2017 жылы тұрмыстық зорлық-зомбылық бойынша 446 жағдай, 2018 жылы 999 жағдай, 2019 жылы 1000 оқиғадан асқан. Эпидемия басталғалы бұл көрсеткіш 20 пайызға артқан. Тұрмыстық зорлық-зомбылық қоғам арасында пікірталас тудырып отыр, - деді ол.
Министрдің айтуынша, күн сайын әлеуметтік желі мен БАҚ-та салдары қайғылы жағдайға әкелетін отбасылық кикілжіңнің куәсі болып отырмыз.
Пандемия басталғалы 37 мың қорғау нұсқаулығы тіркелген. Оның ішінде 5 мыңнан астам ерекше талап құқық бұзушылыққа қарасты қойылды. Бұл жерде тек құқықтық шаралар жеткіліксіз. Қоғамның жүйелі жұмысы қажет. Кәсіби психологтар, ҮЕҰ бірлесе жұмыс істеуі керек. Қазір тұрмыстық зорлық-зомбылық құрбандарына қолдау ғана көрсетіп қоймай, жағдайды жақсарту бойынша ұсыныстарын айтатындар да аз емес, - деді Балаева.
