Бас жаңалықтар
Қазақстанда жыл сайын миллионға жуық адам тұмау және ЖРВИ-ге шалдығады
10 Тамыз 2020, 16:56 188

Қазақстанда жыл сайын миллионға жуық адам тұмау және ЖРВИ-ге шалдығады

Нұр-Сұлтан, BAQ.KZ тілшісі. Бұл туралы бүгін ҚР Президенті жанындағы Орталық коммуникациялар қызметі алаңында "Халыққа медициналық көмек көрсетуді ұйымдастыру" тақырыбы аясында өткен онлайн брифинг кезінде ҚР Денсаулық сақтау министрлігінің ресми өкілі Бағдат Қожахметов айтты.

Осы күзде тұмау мен жіті респираторлық вирустық инфекция (ЖРВИ) ауруларының маусымдық өсуі аясында жаңа толқын деп аталатын коронавирустың өршуі күтілуде. Денсаулық сақтау жүйесі осы ықтимал соққыны қабылдауға дайын. Өткен жылдары Қазақстанда орта есеппен қазан-наурыз аралығында 600 мыңнан миллион адамға дейін тұмау және ЖРВИ-мен ауырған. Бұл ЖРВИ мен тұмауға шалдығуы мүмкін адам саны және оларға биыл коронавирустық инфекция қосылуы мүмкін, - деді Қожахметов.

Ол денсаулық сақтау министрлігі елдегі эпидемиологиялық жағдайдың дамуын модельдеу үшін сарапшылар қауымдастығының өкілдерін тартатынын айтты.

Бұл болжамдар ықтимал қауіптердің ең пессимистік сценарийіне негізделген. Мұндай қадам денсаулық сақтау жүйесі кез келген жағдайға дайын болуы үшін жасалады. Осылайша, Қазақстан Үкіметі бүгінде COVID-19 таралу процесін толық бақылауды ұйымдастыру үшін барлық қажетті ақпаратқа ие. Қазіргі жағдайдан алынған болжам негізінде халыққа медициналық қызмет пен көмекті уақтылы және сапалы көрсетуді ұйымдастыру бойынша шаралар қабылдануда, - деп сендірді ол.

Айта кету керек, Бағдат Қожахметов бұған дейін Қазақстанда коронавирус жұқтыру өсімі тоқтатылғанын айтқан болатын. Сонымен қатар, ол шілде айының басынан бері карантиннің 5 аптасында ауруханалардағы жатын орындар 60%-ға босағанын мәлімдеді.


Фото: дереккөз
Загрузка...