Бас жаңалықтар
Жезқазғанда сотталғандар басшылардан қорлық көріп жүргенін мәлімдеді
27 Қараша 2020, 01:25 237

Жезқазғанда сотталғандар басшылардан қорлық көріп жүргенін мәлімдеді

Нұр-Сұлтан, BAQ.KZ. Желіде Жезқазғандағы АК-159/25 түрмесінде түсірілген видео тарап жатыр. Онда көзі мен аузы тігілген сотталғандар түрме басшыларының азаптайтынын айтып, есірткі мен ұялы телефондарды көрсетеді, деп хабарлайды Қарағанды облыстық ҚАЖД баспасөз қызметі.

Сотталғандардың бейне үндеулері YouTube хостингінде жарияланды. Олар түрме әкімшілігі сотталғандарды азаптайтынын айтқан. Сондай-ақ, видеода ер адамдардың көздері мен ауыздары тігілгені байқалады. Видео барысында олар өлі деп табылса, онда шындық үшін өлтірілгенін айтады.  

Бірқатар басқа роликте сотталғандар камераға есірткі мен смартфондарды көрсетеді. Олар марихуана мен ұялы телефондарды колониядағы жағдайды ешкімге жарияламау үшін АК-159/25 қызметкерлері бергенін айтады.

Бұл роликтер желіде жарияланғаннан кейін Жезқазған колониясындағы жағдайға Қарағанды облысы бойынша ҚАЖД баспасөз қызметі түсініктеме берді. Ведомстводағылар видеода сотталғандар - Н.Б.Баймаханов, Ж.Р.Жармаханов және М.Х.Сапаров екенін атап өтті. ҚАЖД мәліметтері бойынша, сотталғандардың үшеуі де аса ауыр қылмыс жасағаны үшін Қарағанды облысы бойынша ҚАЖ департаментінің АК-159/25 мекемесінде жазасын өтеп жатыр.

Видеода үш ер адам мобильді құрылғыларды көрсетіп, есірткі заттарын қолданады, тыйым салынған заттарды мекеме қызметкерлері бергенін айтады. Мән-жайды анықтау үшін мекемеге прокуратура өкілдері мен Қарағанды облысы бойынша ҚАЖ департаментінің басшылығы бірлесіп тергеу-жедел тобы барды. Тергеу барысында сотталғандардан жауап алынып, ұялы телефондар тәркіленді, - деп хабарлады Қарағанды облысы бойынша ҚАЖД қызметкерлері.
Ведомстводағылар АК-159/25 сотталғандарды ұстаудың камералық түрі қарастырылған аралас қауіпсіздік мекемесі екенін айтты. Ал шағымданғандар бірнеше рет қылмыстық жауапқа тартылған және олар белгіленген режимді қасақана бұзады екен.

Егер қызметтік тергеу нәтижелері бойынша мекеме қызметкерлерінің белгіленген режимді бұзуға қатысы анықталса, кінәлі тұлғалар тәртіптік жауапқа тартылады, ішкі істер органдарынан босатуға немесе қылмыстық жауапқа тартуға дейін. Тергеу барысын ҚАЖ комитетінің басшылығы бақылайды, - деді Қарағанды облысы бойынша ҚАЖД баспасөз қызметіндегілер.


Фото: ашық дереккөз
Загрузка...