Жетісайда сора өсірген тұрғын бас бостандығынан айырылды
08 Қараша 2021, 09:52 130

Жетісайда сора өсірген тұрғын бас бостандығынан айырылды

Нұр-Сұлтан, BAQ.KZ. Түркістан облысында сора өсірген тұрғын бас бостандығынан шектелді, деп хабарлайды Polisia.kz.

Жетісай ауданы ПБ-ға тұрғынның бірі есірткі затына ұқсас өсімдіктерді баптап, өсіріп жатқандығы туралы хабарлама түседі. Ақпарат алысымен Жетісай аудандық полиция бөлімінің қызметкерлері тез арада іздестіру жұмыстарын жүргізді.

Тәртіп сақшылары аталған жайтты ҚК 300-бабы бойынша тіркеп, сотқа дейінгі тергеп-тексерудің бірыңғай тізіліміне енгізді. Полиция қызметкерлері заңмен тыйым салынған өсімдікті егумен айналысатын тұрғынды анықтауға бірден кірісті.

Жан-жақты жүргізілген жедел-шаралардың нәтижесінде күдіктінің жеке басы мен мекен жайы анықталды. Ол жергілікті тұрғын болып шықты. Күдікті ер адам үйінің ауласында есірткі еккен. Ауладан төрт түп есірткі өсімдігі тәркіленді. Сондай-ақ айғақты зат ретінде алынған өсімдіктерге сот-сараптамалық зерттеу тағайындалды.

Сараптама нәтижесімен алынған түптер жалпы салмағы 404 грамм шығатын «сора» есірткі заты болып шықты. Полицейлер аталған жайт бойынша жинақталған іс-құжаттарды заңды шешім қабылдау мақсатында Жетісай аудандық сотына жолдады. Сот күдікті ер азаматты ҚК 300-бабы бойынша кінәлі деп танып, бір жыл мерзімге бас бостандығынан шектеу жазасын тағайындады.

Сонымен қатар 100 сағаттан аспайтын мәжбүрлі еңбекке тартуға үкім шығарды. 


Фото: ашық дереккөз
Загрузка...