Жетісай ауданында 9 мектеп салынып, 6 ауылға газ беріледі

22 Мамыр 2019, 14:09
2964
Бөлісу:
Жетісай ауданында 9 мектеп салынып, 6 ауылға газ беріледі
PHOTO

Түркістан облысы, BAQ.KZ тілшісі. Биыл Жетісай ауданында 9 мектеп пен 2 көпқабатты тұрғын үйдің құрылысы жүргізілмек. Бұл мақсатқа республикалық және облыстық бюджет есебінен 4 млрд 631 мың теңге бағытталып отыр. Қазіргі таңда 7 мектептің құрылысы басталып кетсе, 2 мектеп пен 2 көпқабатты тұрғын үйдің құрылысы алдағы шілде айында басталады деп күтілуде. 

Жетісай аудандық құрылыс бөлімінің мәліметіне сүйенсек, 2019 жылдың мамыр айына дейін игерілген қаржы 960 мың теңгені құрайды. Сондай-ақ, ауданда 3 инженерлік инфраструктура, 1 спорт нысанына және 1 жұмыспен қамту бөлімінің ғимараты мен 10 көп қабатты тұрғын үй құрылысына жоба әзірленіп, сараптаманың оң қорытындысы алынған. 

Жетісай ауданында 9 мектеп салынып, 6 ауылға газ беріледі

Бұдан бөлек, 3 мектеп және 1 мүгедектер үйі құрылысына жоба сметалық құжаттары әзірлену үстінде. 

Сондай-ақ, ауданда тұрғындарды көгілдір отынмен қамту ісі де қарқынды жүргізілуде. Айталық былтырғы жылы 6 елді мекенде табиғи газ берілсе, биыл тағы да 6 ауыл отын жағу азабынан құтылмақ. 

Жетісай ауданында 9 мектеп салынып, 6 ауылға газ беріледі

«Бұл абоненттер саны бойынша тұрғындардың 80 пайызға жуығы көгілдір отын жағып отыр деген сөз. Биыл олардың қатары тағы 900-дей отбасымен толығатын болады. Биыл аудандағы 4 елді мекенге республикалық бюджеттен қаржы қарастырылып отыр. Қазіргі таңда конкурс шаралары жүргізілуде», - деді Жетісай аудандық тұрғын үй және коммуналдық шаруашылық бөлімінің басшысы Мырзабек Әбішев. 

Жетісай ауданында 9 мектеп салынып, 6 ауылға газ беріледі

Айта кетейік, бүгінгі таңда аудандағы 106 елді мекеннің тең жартысына жуығы көгілдір отынға қол жеткізген.
   

Өзгелердің жаңалығы