Бас жаңалықтар
Жазушылар одағында Əдеби жыл қорытындысы өтеді
16 Сәуiр 2019, 09:12 129

Жазушылар одағында Əдеби жыл қорытындысы өтеді

Нұр-Сұлтан, BAQ.KZ. 2019 жылдың 19 сəуір күні сағат 10.00-де Қазақстан Жазушылар одағының Әдебиетшілер үйінде дəстүрлі Əдеби жыл қорытындысына арналған жиын өтеді. Бұл туралы Қазақстан Жазушылар одағының баспасөз қызметі мәлімдеді.

Әдебиет саласында бір жылда жарық көрген кітаптар мен жеткен жетістіктер, қазақ әдебиетінің бүгінгі хәл-ахуалы жайында айтылатын жиын республикадағы ақын-жазушылар мен әдебиет зерттеушілерінің һәм драматургтердің басын қосады.

Бұл жиындағы спикерлер қатарында Қазақстан Жазушылар одағы басқармасының Төрағасы Ұлықбек Есдәулет, Төрағаның орынбасары, ақын Бауыржан Жақып бар.

Сондай-ақ, Қазақстан Жазушылар одағының жанрлық кеңестері бойынша баяндама жасайтын қаламгерлер:

         «Проза» бойынша Әділдабек Салықбай;

         «Поэзия» бойынша Нұржан Қуантайұлы;

         «Балалар әдебиеті» – Арасанбай Естенов;

         «Әдеби сын» – Жанғара Дәдебаев;

         «Драматургия» – Қолғанат Мұрат;

         «Деректі проза» – Өтеш Қырғызбаев;

         «Сатира» – Үміт Зұлқарова;

         «Ұйғыр әдебиеті» – Рахматжан Юсупов;

         «Шетелдегі қазақ әдебиеті» – Алмас Ахметбекұлы;

         «Аударма» – Заманбек Әбдешев;

         «Орыс әдебиеті» – Лейля Калаус;

         «Фантастика» – Нәрбин Кенжеғұлова;

         «Жастар поэзиясы» – Алмас Нүсіп;

Соңында, 2017-2018 жылдар үшін бір топ қаламгерлерге Халықаралық «Алаш» әдеби сыйлығы тапсырылады.

Сізден жаңалық