Бас жаңалықтар
Жазғы универсиада мәресіне жетті
11 Маусым 2019, 20:45 319

Жазғы универсиада мәресіне жетті

Нұр-Сұлтан, BAQ.KZ. ҚР Білім және ғылым министрлігінің Ұлттық ғылыми-практикалық дене тәрбиесі орталығы Қ.Жұбанов атындағы Ақтөбе өңірлік мемлекеттік университетінің ұйымдастыруымен X жазғы Универсиа­даның жа­былу салтанаты өтті.

Салтанатты жабылу рәсіміне Ұлттық ғылыми-практикалық дене тәрбиесі орталығының бас директоры, «ҚР құрметті спорт қайраткері» Садық Мұс­тафаев, Ақтөбе қаласының әкімі Испанов Ілияс, Ақтөбе облыстық дене шынықтыру және спорт басқармасының басшысы Мейрамбек Махамбетов, Қ.Жұбанов атындағы Ақтөбе өңірлік мемлекеттік университетінің ректоры Бауыржан Ердембеков, Марат Оспанов атындағы Батыс Қазақстан медицина университетінің ректоры Мұрат Телеуов, Қ. Жұбанов атындағы АӨМУ факультет деканы Сабыржан Мұхтаров, М. Оспанов атындағы БҚМУ дене тәрбиесі кафедрасының жетекшісі Еркін Жетимековтар қатысты.

Сондай-ақ, Грек – рим күресінен Қазақстанға еңбек сіңірген жаттықтырушы, ҚР құрметті спорт қызметкері, жоғары ұлттық дәрежедегі төреші Мұхамбетжан Зарлықов, Қазақ күресінен Ақтөбе облысынан шыққан тұңғыш спорт шебері, грек- рим күресінен КСРО спорт шебері, ҚР құрметті спорт қайраткері, Қ. Жұбанов атындағы Ақтөбе өңіраралық мемлекеттік университетінің құрметті профессоры Зейнолла Төлеутаев, Қазақстан Республикасының құрметті спорт қайраткері, БҚМУ дене шынықтыру кафедрасының доценті Жолай Айпеисов қатысты.


"Бүгінгі таңда студенттер спортына деген қызығушылық артуда. Оған дәлел, Талдықорған қаласындағы «І.Жансүгіров атындағы жетісу мемлекеттік университетінде» өткен ІХ-шы жазғы Универсиадаға 52 жоғары оқу орын   студенттерінен 359 команда сапында 2943 спортшы қатысса, ал биылғы Х-шы жазғы Универсиадаға 62 жоғары оқу орын студенттерінен 480 команда сапында 4025 спортшы қатысты. Ұлттық орталықтың бастамасымен алғаш рет Республикалық Универсиаданың жеңімпаздары еліміздің намысын қорғау үшін осы жылы өтетін Неаполь (Италия) қаласындағы ХХХ-шы жазғы Бүкіләлемдік Универсиадаға жолдама алды. Жастар арасында спортты кеңінен насихаттап, студенттер спортына, бұқаралық спортқа аса көңіл бөліп, қарқынды дамуына үлес қосайық. Білім және ғылым минитсрлігінің атынан Универсиаданың жабылу салтанатында шымырлыққа шыныққан студентттерге, жаттықтырушыларға, Ақтөбе облысының әкімдігіне, Марат Оспанов атындағы Батыс Қазақстан Мемлекеттік медицина университетіне, Қ.Жұбанов атындағы Ақтөбе өңірлік мемлекеттік университетіне, дүбірлі доданы ұйымдастырып, өткізгені үшін алғысымды білдіремін", - деді орталықтың бас директоры Садық Мұстафаев.      


Универсиада жарыстарын ұйымдас­тыру­шылар, жеңімпаздар мен жүлде­герлер, олардың   оқытушылары мен жат­тықтырушылары  Қазақстан Респуб­ли­касының  Білім және ғылым министрі Күләш Ноғатайқызы Шәмшидинованың грамотасымен, Ұлттық ғылыми-прак­тикалық дене тәрбиесі орталығының алғыс хатымен,  естелік медальдармен және «Дене шынықтыру саласының үздік қызметкері» төсбелгісімен марапатталды.

Жалпы командалық есеп бойынша бірінші орынды әл-Фараби атындағы Қазақ Ұлттық университетінің коман­дасы, жүлделі екінші, үшінші орын­дарды Жұбанов университетінің командасы және І. Жансүгіров атындағы Жетісу мемлекеттік университетінің командасы еншілесе, Х.Дулати атындағы Тараз мемлекеттік университеті, Қ.А.Ясауи атындағы қазақ-түрік университеті және С.Аманжолов атындағы Шығыс Қазақстан мемлекеттік университетінің командалары 4–6 орынды алды.   


Универсиада спорттың 31 түрінен 38 жарыс өткізілді.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                    


Фото: дереккөз

Сізден жаңалық