Бас жаңалықтар
Жастар жылы: Қарағандылық жас буын "Ерлік сабағын" өткізді
05 Мамыр 2019, 17:23 576

Жастар жылы: Қарағандылық жас буын "Ерлік сабағын" өткізді

Қарағанды, BAQ.KZ тілшісі. Бүгін Қарағанды қаласының жастар ресурстық орталығы Отан қорғаушылар және жеңіс күні қарсаныңда Тәжік-ауған шекарасында жауынгерлік қимылдарына және әскери қақтығыстарына қатысушы Нұрболат Аяғановпен «JASTAR ALAŃY» коворкинг орталығында кездесу ұйымдастарды.

Тәуелсіздік жолында күрескен ағалардың ерлігін кейінгі ұрпаққа үлгі ету, жиналған жас буынды ұлтжандылыққа, отан сүйгіштікке тәрбиелеу мақсатында өткізілген «Ерлік сабағын» орталық директоры Бахтиар Бекмұрзаев ашты.


«1993-1999 жылдар аралығында еліміздің Ішкі әскері жедел мақсаттағы бөлімінің 2 мыңнан астам жауынгері мен офицері тәжік -  ауған шекарасында жауынгерлік міндеттерін орындады. Сарбаздар ТМД шекарасының оңтүстік шебін, Ауғанстанмен шектесетін ең ауыр және қиын учаскенің тыныштығын күзетті. Олардың басты мақсаты жалпы саяси жағдайдың тұрақтануына дейін тәжік-ауған шекарасындағы ахуалды ретке келтіру болды. Сонымен қатар, гуманитарлық көмек тауарларының және босқындардың қауіпсіз жетуін қадағалау, маңызды нысандарды қорғау еді. Ең жойқын қақтығыс 1995 жылы Памир тауларындағы Пшихавр шатқалында орын алды. Сол жерде содырлармен болған атыста 17 қазақ жігіті қаза тапты. Міне, осы боздақтарды еске алып, олардың рухына тағзым ету – жыл сайынғы үрдіске айналған игі шара», - деді Баxтияр Бекмұрзаев.

«JASTAR ALAŃY» коворкинг орталығында өткен кездесуге келген жастар ауған соғысының ардагеріне сұрақтарын қойып, көкейтесті сауалдарына жауап алды.

Нұрболат Жолболдыұлы жастардың Отан алдындағы міндетін өтеуге, жаппай құлшынысын көтеруге, ел алдындағы борыштарын өтеуге шақырды. Осылайша, бүгінгі іс-шара жастардың азаматтық ұстанымын арттыруға септігін тигізді.



Фото: автордан

Сізден жаңалық