«Жас ұлан» мектебі болашақ ел қорғандарын қабылдауды бастады

14 Тамыз 2019, 16:50
6251
Бөлісу:
«Жас ұлан» мектебі болашақ ел қорғандарын қабылдауды бастады
PHOTO

Нұр-Сұлтан, BAQ.KZ. Нұр-Сұлтан, Алматы, Қарағанды және Шымкент қалаларында «Жас ұлан» республикалық әскери мектебіне оқуға қабылдау жұмысы басталды. Бұл туралы ҚР Қорғаныс министрлігінің баспасөз қызметі хабарлады.

«Әскери мектепке жалпы білім беру мектебін бітірген 9-сынып түлектері мен 15 жасқа толған (бұл жастан кем болмауы тиіс) жасөспірімдер іріктелініп алынады. Алайда болашақ әскери қатарға қосылушылар бірнеше кезеңнен тұратын конкурстық іріктеуден өтуі тиіс. Іріктеу кезеңнің басты шарты – арнайы құжаттарды тапсыру, сондай-ақ бозбалалар психологиялық, дене даярлығы және медициналық куәландыру бойынша тестілеу тапсырады», - делінген хабарламада.

3.JPG

Министрліктің мәліметінше, барлық кезеңнен өткен талапкер соңғы шешуші кезеңге жолдама алады. Қабылдау комиссиясы аталған үш кезеңнің нәтижесі мен орта мектепті бітіруді растаушы құжат бойынша жалпы ұпайды санайды. Бұдан жас ұланның оқуға түсуі шешіледі. Оқуға қабылдау комиссиясы 21 тамызға дейін жұмыс істейді. Келесі күні ресми түрде болашақ білім ошағына қабылданушы үміткерлердің қатары анықталатын болады.

Нұр-Сұлтандағы қабылдау комиссиясы елордалық әскери мектепке Қазақстанның түкпір-түкпірінен келген 420-дан астам жасөспірім құжаттарын тапсырды деп хабарлады. Биыл конкурстық іріктеуде бір орынға 3 үміткер талаптанып отыр.

4.JPG

«Қабылдау комиссиясы өз жұмысын 2019 жылғы 21 тамызда аяқтайды. Ал әскери мектепке қабылдау 22 тамыз күні мектеп басшысының бұйрығымен бекітіледі», - деп хабарлады Қорғаныс министрлігінде.

«Жас ұлан» республикалық мектебі жалпы орта білім беру бағдарламалары бойынша мемлекеттік және шет тілдерін, әскери пәндерді тереңдетіп оқытатын, сондай-ақ дене шынықтыруды даярлауды жүзеге асыратын әскери оқу орны.

5.JPG

Бүгінгі таңда «Жас ұлан» мектебінің көптеген бітірушілері Қазақстан, Ресей, Беларусь, Қытай, Түркия және Германияның жоғары әскери оқу орындарына түсіп, еліміздің Қарулы Күштері немесе өзге елдердің әлеуетті құрылымдарында қызмет атқаруда.


Өзгелердің жаңалығы