Жапония «бір оқпен, екі қоянды ататын» спутникті ұшырды

29 Қараша 2020, 16:33
3932
Бөлісу:
Жапония «бір оқпен, екі қоянды ататын» спутникті ұшырды

Нұр-Сұлтан, BAQ.KZ. Ғарыш аппараты деректерді азаматтық және әскери мақсаттарда лазерлік ретрансляциялауға арналған. JDRS-1 спутнигімен жоғары жылдамдықты деректерді беруге арналған жапон h-IIA зымыран-тасығышының сапары Танегасима аралындағы ғарыш айлағынан басталды. 

Ұшу сәтін Жапонияның аэроғарыштық зерттеулер агенттігі (JAXA) 29 қарашада тікелей эфирде көрсетті.

Ғарыш аппараты деректерді азаматтық және әскери мақсаттарда лазерлік ретрансляциялауға арналған. Атап айтқанда, спутник IGS-Optical және IGS-Radar барлау аппараттарымен өзара әрекеттеседі.

Азаматтық міндеттер тұрғысынан спутник төмен Жер орбитасында орналасқан JAXA агенттігінің ғарыш аппараттары мен ғарыштық байланыстың жердегі станциялары арасында сигналдарды қайта таратуды қамтамасыз етуі керек.

Бұл жаңа спутник тәулігіне орта есеппен тоғыз сағат жұмыс істеп, әдеттегіден жеті есе жылдам деректерді жібере алатыны көрсетілген.

Өзгелердің жаңалығы