Бас жаңалықтар
Жәнібек Әлімханұлы чемпиондық екі белдікті жеңіп алды
13 Сәуiр 2019, 10:15 841

Жәнібек Әлімханұлы чемпиондық екі белдікті жеңіп алды

Алматы, BAQ.KZ. Қазақстандық кәсіпқой боксшы Жәнібек Әлімханұлы Лос-Анджелесте (АҚШ) мексикалық Кристиан Олливасты жеңіп, орта салмақта WBO Global және WBC Continental Americas чемпиондық белбеулерінің иегері атанды. Бұл туралы vesti.kz хабарлады.

Екі боксшы арасындағы жекпе-жек жоспарланған 10 раундқа созылды. Уақытынан бұрын бірі біріне мықтылығын мойындата алған жоқ. Дегенмен, Жәнібек ширақ қимылдап, қарсыласынан қарымды екенін алғашқы раундтардан-ақ байқатты. Төрешілер шешімі бойынша жеңіске жетіп, бос болған екі бірдей чемпиондық белбеуді беліне тағынды.

Жәнібек Әлімханұлы АҚШ-тағы төртінші жекпе-жегінде-ақ чемпиондық белбеуді иеленді. Оған дейін елімізде екі кездесу өткізген. Барлық жекпе-жектерінде қарсыластарын айқын жеңіп келеді.

Әуесқой бокста Азия және Азия ойындарының жеңімпазы. 2013 жылы Алматыда өткен әлем чемпионатында топ жарды. Олимпиада ойындарының қатысушысы.

Фото: дереккөз
Загрузка...

Сізден жаңалық