Бас жаңалықтар
Жамбыл облысында "Әулиеата бояулары" фестивалі өтуде
04 Маусым 2019, 19:37 496

Жамбыл облысында "Әулиеата бояулары" фестивалі өтуде

Нұр-Сұлтан, BAQ.KZ. Жамбыл облысында  Мәдениет, архивтер және құжаттама басқармасы және облыстық халық шығармашылығы орталығының ұйымдастыруымен «Әулиеата бояулары» І- халық шығармашылығы фестивалі өтуде, деп хабарлады "ZhambylNews".

Фестивальдің барысы екі кезеңнен тұрады. І-кезең 31-мамыр мен 6-маусым аралығын қамтиды. Ұйымдастырушылар келген қонақтарға қаланың тарихи-мәдени орындарын аралатып, экскурсия жасады. Экскурсия барысында суретшілер өздеріне ұнаған, шығармаларына арқау болатын орындарды таңдады. 

Фестивалдің бірінші кезеңі аясында қатысушылар өздері таңдаған орындарын бейнелейді. Олар Қараһан – Баба, Айша бибі, Ақыртас қалашығы, Көне Тараз тарихи-мәдени орыны және Жеңіс саябағы секілді көрнекті орындарды таңдаған. Қылқалам шеберлері алдағы күндері аудандарға сапар шегіп, өздеріне берілген аумақтардың келбетін кескіндейді. 

Нұр-Сұлтан, Алматы қалалары мен Батыс Қазақстан, Қарағанды, Павлодар, Шығыс Қазақстан, Жамбыл облыстарынан келген қатысушылар екі шығармадан, Тараздың табиғаты мен тарихи-мәдени орындары бейнеленген жалпы саны 40 картина салады. 

Ал,екінші кезең 7-маусым күні өтеді. Осы күні іс-шараның салтанатты жабылуы, марапаттау рәсімімен қатар, Б.Момышұлы атындағы “Жеңіс” саябағында ашық аспан астындағы көрме ұйымдастырылып, пленэрге қатысушы суретшілердің шығармалары мен өлкеге белгілі қолөнер шеберлерінің және фотосуретшілердің тың туындылары қойылатын болады.




Фото: дереккөз
Загрузка...

Сізден жаңалық