Жамбыл облысының әкімі жастармен кездесті

20 Қыркүйек 2019, 14:50
2132
Бөлісу:
Жамбыл облысының әкімі жастармен кездесті
PHOTO

Нұр-Сұлтан, BAQ.KZ. Аймақ басшысы Асқар Мырзахметов жастармен жүздесіп, жарқын сұхбат құрды. Тараз мемлекеттік педогогикалық университетінде өткен кездесу «Бәсекеге қабілетті жастар – еліміздің іргетасы» тақырыбына негізделді.

Еркін форматта өрбіген шараға аталмыш оқу ордасының студенттері қатысты. Асқар Исабекұлына көкейдегі қызықты сауалдарын жолдаған жастар толымды жауаптар алды. Қатысушылар негізінен өңірдің өркендеуі, білім саласындағы өзгерістер, жастар жылына қатысты атқарылар шаралардың барысы, ерікті жастар, ел болашағы туралы ойларын ортаға салып бақты.

1K2A1367.JPG

Өңір басшысы өз сөзінде жастар тәрбиесі, қоғамдағы өзекті жайттарға қатысты тағылымды дүниелерге тоқталып, әр сауалдың жауабымен
астастырып облыстағы оң бастамалар мен игі істерді де тілге тиек етті. Жалынды жастарды тарихты танып, өткенді құрметтеуге, ата-баба дәстүрін ұлықтап, солардан дарыған тектілік қасиеттерді жаңғыртуға, еліміздің ертеңгі ұстынына айналу үшін білім дариясына барынша бойлауға шақырды. 

1K2A1389.JPG

Сондай-ақ, қайырымдылық шаралары мен табиғатты аялауда аянбаудың маңыздылығын атап өтті.

1K2A1388.JPG

Белсенді жастар облыс әкімінің өнегелі өткен өмірі, бос уақытын неге арнайтындығы, қандай кітаптарды сүйіп оқитынын сұрап, жұмыс
барысындағы ұстанымы хақында әңгімелеп беруін өтінді. Асқар Исабекұлы барлық сұрақтарға нақты әрі ашық жауап беріп, студенттерге білім жолында да, өмір жолында да сәттілік тіледі. 

1K2A1398.JPG

Кездесу соңында әкіммен естелік суретке түскен жастар әдемі әсерге бөленіп тарқасты.

Өзгелердің жаңалығы