Бас жаңалықтар
Балалардың қауіпсіздігі басты назарда болу керек – полиция
15 Тамыз 2020, 10:16 256

Балалардың қауіпсіздігі басты назарда болу керек – полиция

Нұр-Сұлтан, BAQ.KZ. Қызылордалық полицейлер жазғы демалыс кезіндегі балалар қауіпсіздігін бақылауда, деп хабарлайды Polisia.kz.

Жазғы демалыс балалардың тынығып, денсаулығын нығайтатын уақыт. Ата-аналардың өз балаларын қауіпсіздік ережелерімен таныстырып, бұл қағидаларды ұстануын қадағалау өте маңызды. Жазғы демалыс кезінде балалардың жеке басының қауіпсіздігін қамтамасыз ету мақсатында жаз мезгілінің үш айына учаскелік полиция инспекторларымен бірлесе ювеналды полиция қызметкері кезекшілікке бөлініп, қызмет атқарып жатыр.
Жазғы демалыс уақытында балалардың жеке қауіпсіздігі, оның ішінде суға шомылу кезіндегі қауіпсіздік шаралары ата-аналардың немесе оларды алмастыратын адамдардың ерекше назарында болуы қажет, - делінген ақпаратта.
Бұл орайда, полиция қызметкерлері балалардың қауіпсіздік мәселесіне бей-жай қарамай, сақтық шараларын қатаң сақтауға шақырады. Қазақстан Республикасының Әкімшілік құқық бұзушылық туралы Кодексінде белгіленбеген орындарда суға шомылуға қатаң тыйым салынған.

Осындай  деректер анықталған жағдайда Қазақстан Республикасы Әкімшілік құқық бұзушылық туралы кодексінің 364-бабына сәйкес әкімшілік шара қолданылатын болады.    





Фото: ашық дереккөз
Загрузка...