Нұр-Сұлтан, BAQ.KZ. Бүкіл әлем халқы, жаһандық індет коронавируспен күресіп жатса, сотталғандардың жақындары түрмеге тыйым салған заттарды әкелуін тоқтатар емес.
Қызылорда қаласындағы ЗК-169/5 мекемесінің аумағында жүрген азамат мекеме қызметкерлерінің күдігін туғызды. Мекеме қызметкерлері күдік тудырған азаматқа байланысты, дереу 102 нөміріне хабарлап, Қызылорда ҚПБ-ның жедел-тергеу тобы шақырылып, аталған азамат ұсталды.
Ұсталған азаматты тінту барысында оң жақ қалтасынан қағаз қорапқа салынған, "жасыл түсті өткір иісті" заты тәркіленді. Күдік тудырған Н есімді азамат, тыйым салынған затты, осы мекемеде жазасын өтеп жатқан танысы Е есімді сотталғанға өткізбекші болған, - делінген хабарламада.Сот-химиялық сараптамасының қорытындысы нәтижесінде тәркіленген зат 20,67 грамм "кептірілген марихуана" екені дәлелденіп, аталған дерек бойынша ҚР ҚК-нің 296-бабының 2-бөлігі бойынша сотқа дейінгі тергеп-тексеру амалдары жүргізілуде.
