Қызылордада тұрғындарды емханаға тіркеу жалғасуда

20 Қыркүйек 2019, 22:32
1940
Бөлісу:
Қызылордада тұрғындарды емханаға тіркеу жалғасуда

Нұр-Сұлтан, BAQ.KZ. Тұрғындар 15 қыркүйек - 15 қараша аралығында мекенжайларына қарасты емханаларға тіркеле алады. Бұл туралы kyzylorda-news.kz сайтында хабарланды.

Өңірлік коммуникациялар қызметінде өткен брифингте "Әлеуметтік медициналық сақтандыру қоры" филиалының директоры Руслан Бектібаев өткен жылы облыстың 13491 тұрғыны емханаларға өз қалауы бойынша тіркелу науқанында өз мүмкіндіктерін пайдаланғанын айтты.

"Қазір облыста тіркелім бойынша 776651 тұрғын бар. 2018 жылы облыс халқын 19 емхана тіркеуге алса, оның 13-і мемлекеттік, алтауы жекеменшік емханалар. 2019 жылы 20 емхана тіркеу науқанына қатысса, 13-і мемлекеттік, 7-уі жекеменшік иелері. Тіркелген азаматтардың жалпы санының көпшілігі - 77,5% мемлекеттік клиникаларда тіркелген, қалған 22,5% жеке клиникаларды таңдаған", - дейді Руслан Бектібаев.

Емханаларға тіркеу не үшін қажет? Егер тұрғылықты мекенжайы бойынша қаралып жүрген емхана көңіліңізден шықпаған жағдайда емхананы ауыстыру құқығын беруге және нарықтың жаңа қатысушыларына халыққа қызмет көрсету тапсырыстарын қабылдауға мүмкіндік беру үшін жасалады.

Биыл емханаларға өз қалауымен тіркелуі "eGov" электронды үкімет веб-порталы арқылы жасалады.

Өзгелердің жаңалығы