Вирустық менингит толықтай жазылады – инфекционист

10 Қыркүйек 2019, 13:34
2595
Бөлісу:
Вирустық менингит толықтай жазылады – инфекционист

Нұр-Сұлтан, BAQ.KZ. Елордалық балабақшаның бірінде балалардың вирустық менингит жұқтырған екі жағдайы тіркелді. Бұл туралы елорда әкімдігінің баспасөз қызметі хабарлады. 

Осы себептен дәрігерлер өз бетімен ем жасамай,  алдын алу шараларын қатаң ұстануға кеңес береді.  Қазақстан Республикасының штаттан тыс бас инфекционист- дәрігері,  медицина ғылымдарының докторы,  профессор,  Астана Медициналық университетінің балалар инфекциялық аурулары кафедрасының меңгерушісі Данагүл Баешева инфекциялық аурулардың белгілері мен сірлі менингиттің қаншалықты қауіпті екенін айтып берді. 

Инфекционист-дәрігердің айтуынша, инфекциялық аурулар мерзімге қарай таралады. Мәселен,  жаз бен күздің басы энтеровирустық инфекциялардың таралуына қолайлы кезең.  Олардың 85%-ы адам бойында ешбір белгі бермейді.  Вирус екі жолмен жұғады: ауа және тамақ арқылы.  

"Вирустар 50 градустан асқан температурада жойылады, алайда бірнеше рет қатырғанның өзіне де шыдай береді, ал +4+6 градуста және суда ұзақ сақталады. Олар ультракүлгін сәуленің әсерінен,  кептіргенде және қайнатқанда жойылады", - дейді Данагүл Баешева.

Дәрігердің айтуынша, вирустық инфекцияларды көбіне 3-10 жас аралығындағы балалар жұқтырады. Вирус ауа арқылы да, тамақ арқылы да жұққандықтан, кейде жедел респираторлық-вирустық инфекция болмаса өткір жұқпалы ішек аурулары сияқты өтуі мүмкін, тек ұзағырақ қалтырап, қызу көтеріледі. Сондай-ақ, бұл кезде мидың жұмсақ қабығы да қосылып, сірлі менингитке әкелуі мүмкін. 

"Энтеровирустық менингит бактерияларға қарағанда қатерсіз, одан адам толықтай жазылып кетеді", - дейді инфекционист маман.



Өзгелердің жаңалығы