Нұр-Сұлтан, BAQ.KZ. 14 маусым күні №66 мектеп-лицейінде педагогтарға арналған бос жұмыс орындар жәрмеңкесі өтеді.
"Жәрмеңкеге сондай-ақ, Қостанай, Павлодар, Арқалық, Қарағанды және Көкшетау қалаларының ЖОО түлектері шақырылды", деп хабарлады елордалық Білім басқармасы.
Бүгінгі уақытта елордалық білім мекемелерінде 17 мың адам жұмыс істейді. Қазір бұл салаға 150-ден аса маман қажет. Әсіресе, мектепке дейінгі, бастауыш және инклюзивті білім беру саласындағы педагогикалық қызметкерлер, сонымен қатар жаратылыстану-математика бағытындағы мұғалімдер сұранысқа ие.
Жәрмеңке сағат 10:00-13:00 аралығында Д.Қонаев 33/1 мекенжайында орналасқан № 66 мектеп-лицейінде өтеді.
