Үндістанда бір миллиард адам вакцина алды
22 Қазан 2021, 20:11 8774

Үндістанда бір миллиард адам вакцина алды

Нұр-Сұлтан, BAQ.KZ. 2021 жылдың 21 қазанында Үндістандағы COVID-19-ға қарсы вакцина алғандардың саны 1 миллиард дозаға жетті. Рұқсат етілген халықтың шамамен 75%-ына (18+) бірінші доза салынды, ал 30%-ы екі дозасын да салдырды.

Бұл көрсеткішке 40 апта ішінде қол жеткізілді. Айта кетсек, елде вакцинациялау 2021 жылдың 16 қаңтарында енгізілді. Бүгінде Үндістан бірнеше вакцинаны жасаған елдің қатарында.

1 миллиард дозаның барлығы Үндістанда жасалды. Сонымен қатар вакцинаның 95%-дан астамы Үндістанның денсаулық сақтау жүйесі арқылы жеткізілді. Соған қарамастан жеке медициналық мекемелер вакцинация бағдарламасына енгізілді.

Үндістанның Қазақстан Республикасындағы елшісі Шубдхаршини Трипати ханым вакцинациялау қарқынына қатысты былай дейді.

Бұл - Үндістан қысқа мерзімде және осы қиын уақытта қол жеткізген үлкен белес. Үндістанның осындай үлкен жетістікке жетуі – жоспарлауды орындаудың, оның зерттелуі мен ғылыми шеберлігінің дәлелі. Үндістан 150-ден астам елмен пандемиямен күресу үшін өзінің ресурстарымен, білімімен, тәжірибесімен және дәрі-дәрмектерімен бөлісті, - деді дипломат.

Вакциналарды енгізу мен жеткізу үшін жоспарлаудың және енгізудің кешенді жүйесі енгізілді. Коронавирустық вакцинаны зерттеуге арналған Ұлттық жұмыс тобынан басқа, жоғары деңгейде бірнеше сараптамалық-консультативтік топтар құрылды.


Фото: ашық дереккөз
Загрузка...