Бас жаңалықтар
Ұлыбритания азаматы ПТР тесті анықтамасы жоқтығынан еліне депортацияланды
24 Қазан 2020, 11:22 134

Ұлыбритания азаматы ПТР тесті анықтамасы жоқтығынан еліне депортацияланды

Нұр-Сұлтан, BAQ.KZ. Ұлыбритания азаматы ПТР тесті анықтамасы жоқтығынан депортацияланды. Бұл туралы Көліктегі бас санитарлық дәрігер Сәдуақас Байғабұлов хабарлады.

Оның айтуынша, оқиға 24 қазанда Ақтау қаласы әуежайында орын алған. 

24 қазанда 9 рейс келді. Рейстер арқылы 1 158 жолаушы келді, 951-інде анықтама болса, 207 қазақстандықта анықтама болмаған.

Атап айтсақ, Нұр-Сұлтанға 471 жолаушысы бар 4 рейс келді, 385-інде анықтама болса, 86-сы анықтамасыз.

Алматы қаласына да 588 жолаушысы бар 4 рейс келді. Олардың 472-сінде анықтама бар, ал 116 жолаушыда ПТР тест анықтамасы жоқ.

Ал Ақтауға 99 жолаушысы бар 1 рейс келді. 94 жолаушыда анықтама болса, қалған 5 азаматта анықтама жоқ. 

Анықтамасыз келген қазақстандықтар ПТР анализін тапсыру үшін Нұр-Сұлтан, Алматы және Ақтау қалаларында карантин стационарына жатқызылды. 

Айта кетейік, жолаушылар Түркия, БАӘ, Беларусь және Египет халықаралық әуерейстері арқылы келген.


Фото: дереккөз
Загрузка...