Нұр-Сұлтан, BAQ.KZ. Белгілі қаржыгер, экс-депутат, Қазақстан қаржыгерлері қауымдастығының президенті болған Дәулет Хамитұлы Сембаев дүниеден өтті. Бұл туралы Президент көмекшісі Ерлан Қарин жазды.
Еліміздің қаржы саласының негізін қалаушыларының бірі, мемлекет және қоғам қайраткері Дәулет Хамитұлы Сембаев дүниеден өтіпті. Жаңа ғана Ораз Жандосов осындай қаралы хабарды жеткізді. Иманы саламат болсын! Нағыз мемлекетшіл азамат, ірі тұлға еді! Және өзі атсалысқан Ұлттық валюта күні дүниеден өтті - делінген жазбада.
Ол 1935 жылы Алматы қаласында дүниеге келген.
1958 ж. Қазақ тау-кен-металлургиялық институтын бітірген, инженер-металлург.
1958-66 жж. - С.М. Киров атындағы Алматы машина жасау зауытында құю цехының технологы, қара металл құю учаскесінің аға шебері.
1966-75 жж. - ҚазКСР Мемлекеттік жоспарлау бөлімінің басмаманы, бөлімшесінің бастығы - бөлім бастығының орынбасары, еркін бөлім бастығының орынбасары.
1975-79 жж. - ҚазКСР Министрлер Кеңесінің төрағасы хатшылығының меңгерушісі.
1979-83 жж. - ҚазКСР Министрлер Істерін Басқарушысының орынбасары.
1983-90 жж. - ҚазКСР Мемлекеттік жоспарлау бөлімінің бастығы, еркін бөлімінің бастығы, төрағасының орынбасары.
1990 ж. - ҚазКСР Президенттік кеңесінің мүшесі
1990-91 жж. - ҚазКСР Жоғары экономикалық кеңесі төрағасының орынбасары.
1991-93 жж. - ҚР Премьер министрінің орынбасары, 1-ші орынбасары.
1993-95 жж. - ҚР Ұлттық банктің төрағасы - ҚР Министрлер Кабинетінің мүшесі.
1995-97 жж. - ҚР Парламенті Сенатының депутаты, Экономика, қаржы және бюджет жөніндегі комитетінің төрағасы.
1997-99 жж. - «АБС-Балқаш» таукен компаниясы» ААҚ Директорлар кеңесі төрағасының орынбасары.
1999-2002 жж. - «Қазкоммерцбанк» ААҚ Директорлар кеңесінің төрағасы.
2002 жылдан - «Қазкоммерцбанк» АҚ Директорлар кеңесі төрағасының орынбасары.
Қазақстан қаржыгерлері қауымдастығының президенті (1999-2005).
Ол Қазақстан Президентінің алғашқы экономикалық бағдарламасының қос авторларының бірі. Сондай-ақ, Қазақстандағы ұлттық валютаны енгізуге қатысқан. Елдегі қазіргі банк жүйесін қалыптастырудың басында болды.
Дәулет Хамитұлы «Құрмет белгісі» (1976), Еңбек Қызыл Ту (1981), «Парасат» (1996) ордендерімен және КСРО-ның екі медалімен марапатталған.
