Түркістанның аумағы ұлғайды

21 Қыркүйек 2021, 23:54
1803
Бөлісу:
Түркістанның аумағы ұлғайды

Нұр-Сұлтан, BAQ.KZ. Түркістан қаласының аумағы 19 627 гектардан 22 370 гектарға ұлғайды, деп хабарлайды Түркістан облысы әкімдігінің ресми сайты.

Бас жоспар бойынша қаланың даму сатылары белгіленген. Алғашқысы 2020 жылы басталып, 2025 жылы аяқталады деп жоспарланған. Екінші кезеңі – 2035 жылы, үшінші кезеңі - 2050 жылы аяқталады.

2025 жылға дейін қала тұрғындарының санын 250 мыңға дейін, 2035 жылға қарай - 350 мың адамға дейін жетеді. 2050 жылы - 500 мың болады. 200 мыңға жуық тұрғыны бар Түркістанның даму мүмкіндіктері ауқымды. Қала аумағында өндірістік, коммуналдық және инфрақұрылым қызметін қамтамасыз ететін нысандарды орналастыратын аймақтар белгіленіп, бекітілген. 

Бұл өз кезегінде Түркістанның инвесторлар үшін тартымдылығын арттыра түседі. Туризм және өнеркәсіп – Түркістан дамуының негізгі екі бағыты. Қаланың бір жылда миллионнан астам туристті қабылдауға мүмкіндігі бар. Келешекте бұл көрсеткішті 5 миллионға жеткізу жоспарланып отыр.


Өзгелердің жаңалығы