Бас жаңалықтар
Түркістанда мемлекетке 7 млрд теңге салық төлеуден жалтарғандар ұсталды
12 Қаңтар 2021, 07:47 176

Түркістанда мемлекетке 7 млрд теңге салық төлеуден жалтарғандар ұсталды

Нұр-Сұлтан, BAQ.KZ. Мемлекетке 7 миллиард теңгеден астам салық төлеуден жалтарған Түркістан облысының тұрғындары құрықталды, деп хабарлайды Оtyrar.kz.

Аймақтың 2 тұрғыны 2017-2019 жылдар аралығында «Фаворит Инвест Строй», «Азия-Tech» және «Таңшолпан-Нұр» ЖШС-ін үшінші тұлғаларға тіркеу арқылы қылмыстық құқық бұзушылықты ұйымдастырған.

Жалған компанияның атын жамылып, құжат рәсімдеп, тіпті басшылық ете отырып іс жүзінде жұмыстарды орындамай келген. Бұдан бөлек, ешқандай қызмет түрлерін көрсетпей, тауарларды тиеп-жөнелтпей жалған шот-фактура жазып беруді жүзеге асырған.

Бұл деректі Түркістан облысының Экономикалық тергеу департаментінің қызметкерлері анықтады. Айыпталушылар контрагент сатып алушылардан белгілі бір мөлшерде сыйақы алған. Осылайша ұйымдарға салынатын салықты және бюджетке төленетін басқа да міндетті төлемдерді төлемей келген.

Азаматтардың қылмысы ҚР ҚК 28-бабының 2, 3 және 5-б, 216-бабының 3-б., 245-бабы 3-б. сәйкес сараланып, Жетісай аудандық сотының үкімімен азаматтардың бірі 5 жарым жылға, ал екіншісі 3 жылға сотталды, - деді Түркістан облысы бойынша Экономикалық тергеу департаментінің аға тергеушісі Жасұлан Ниеттесов.



Фото: ашық дереккөз
Загрузка...