Нұр-Сұлтанда 24 мыңнан астам адам тұмауға қарсы екпе салдырды

16 Қыркүйек 2020, 13:52
2465
Бөлісу:
 Нұр-Сұлтанда 24 мыңнан астам адам тұмауға қарсы екпе салдырды
PHOTO

Нұр-Сұлтан, BAQ.KZ. Елордада екпе салу қараша айының басына дейін жалғасады, деп хабарлайды әкімдіктің ресми сайты.

0c62577a14fdcd6fa6173bc491a7045e.jpg

Бүгін Нұр-Сұлтан қалалық Қоғамдық денсаулық сақтау басқармасының басшысы Тимур Мұратов емханаға барып, тұмауға қарсы екпе салдырды. Басқармасы басшысы екпенің маусымдық аурулардың өршуі кезіндегі маңыздылығын да атап өтті.

31e227ddd5da60ede260e736675a0571.jpg

Вакцинация - аурудың ауыр сипаты мен оның кең таралуын ескере отырып, тұмаудан қорғаудың ең қисынды әдісі. Сонымен қатар, қазір осы кезең үшін стандартты аурулардың (суық тию, тұмау) қоздырғышы болуы мүмкін коронавирус инфекциясы кезеңінде вакцинация өте маңызды! Баршаңызды вакцина алуға және өз денсаулығыңызға жауапты болуға шақырамын!, - деді Тимур Мұратов қала тұрғындарына.

acc5c818ad5a0fbe2030e5bca532f572.jpg

Еске сала кетейік, елордалық Қоғамдық денсаулық сақтау басқармасы екпенің 110 мың дозасын сатып алған болатын. Ол ТМККК пакетіне кіреді және халықтың белгілі бір тобы үшін тегін жүргізіледі. Атап айтқанда: созылмалы аурулары бар 18 жасқа дейінгі балаларға, медицина қызметкерлеріне, жүкті әйелдерге (жүктіліктің 2-3-триместрі), жабық мекемелердегі адамдарға (балалар үйі, сәбилер үйі, мектеп интернаты), мүгедектерге (ересектер мен созылмалы аурулары бар балалар); 60 жастан асқан қарттарға.

Нұр-Сұлтанда вакциналау басталғаннан бері 24,6 мың адам тұмауға қарсы екпе алды. Олардың 6300-і - балалар, оның ішінде 211 адам сәбилер үйлерінде, балалар үйлерінде, мектеп-интернаттарда, мүгедек балаларға арналған интернаттарда. Екпе алған ересектер саны 14 мың адамнан асты.

Елордада екпе салу қараша айының басына дейін жалғасады.

Өзгелердің жаңалығы