Бас жаңалықтар
Трансплантациядан кейін науқастарға арналған дәрі-дәрмектер жеткізілді – ДСМ
21 Сәуiр 2021, 21:40 148

Трансплантациядан кейін науқастарға арналған дәрі-дәрмектер жеткізілді – ДСМ

Нұр-Сұлтан, BAQ.KZ. ҚР Денсаулық сақтау министрлігі «Ағзалар мен тіндерді ауыстырып қондырғаннан кейінгі жағдай» нозологиясы бар пациенттерді «Сандиммун» препаратымен қамтамасыз ету жағдайы туралы хабарлайды.

2021 жылғы 16 сәуірдегі жағдай бойынша «Сандиммун® Неорал®, 25 мг капсула» бірегей дәрілік затты жеткізу мәселесі пысықталды. Дәрілік зат 20-21 сәуірде Алматы қаласындағы Бірыңғай дистрибьютордың қоймасына келіп түседі және өңірлердің денсаулық сақтау басқармаларының тәртіптеріне сәйкес жедел түрде еліміздің барлық медициналық ұйымдарына жөнелтілетін болады. Трансплантациядан кейін науқастарды қамтамасыз ету мәселесі ҚР Денсаулық сақтау министрлігі басшылығының ерекше бақылауында – делінген министрлік таратқан ақпаратта.

Сонымен қатар, аутоиммунды аурулары бар және иммун тапшылығы бар пациенттерді «Қалыпты адам иммуноглобулині G» препаратымен қамтамасыз ету мәселесі шешілгенін хабарлаймыз. Осылайша, «СК-Фармация» ЖШС (Бірыңғай дистрибьютор) «Гамманорм» сауда атауымен түпнұсқалық препараттың жылдық көлемін сатып алуды жүзеге асырды.

Сатып алынған препараттың бірінші партиясы Бірыңғай дистрибьютордың қоймаларына келіп түсті және жасалған Шарттарға сәйкес елдің медициналық ұйымдарына жөнелтіледі. Сондай-ақ, бүгінгі күні «Қант диабеті» диагнозы бар балалар үшін инсулин помпаларына жиынтықтар мен шығыс материалдарын сатып алу қамтамасыз етілді – делінген хабарламада.

Бұл ретте, 2021 жылға түпнұсқа «Гамманорм» препаратын, сондай-ақ инсулин помпаларына жиынтықтар мен шығыс материалдарын сатып алу уәкілетті орган ағымдағы жылға бекіткен бағалар бойынша арттыру жағына қарай өзгеріссіз жүзеге асырылғанын атап өтеміз.

Республика халқын дәрі-дәрмекпен қамтамасыз ету мәселесі мемлекеттің маңызды міндеті болып табылады, оны шешу үшін ҚР Денсаулық сақтау министрлігі барлық қажетті күш-жігерді жұмсайды. Туындаған проблемалық мәселелерді шешу жолдары жедел түрде пысықталуда.


Фото: ашық дереккөз
Загрузка...