Бас жаңалықтар
Тоқаев Молдова Президенті Игорь Додонмен кездесті
28 Мамыр 2019, 20:38 517

Тоқаев Молдова Президенті Игорь Додонмен кездесті

Нұр-Сұлтан, BAQ.KZ. Қазақстан Президенті Қасым-Жомарт Тоқаев Молдова Президенті Игорь Додонмен кездесті. Бұл туралы Ақорданың баспасөз қызметі мәлімдеді. 

Мемлекеттер басшылары екіжақты байланыстарды және халықаралық ұйымдар аясындағы өзара іс-қимылдарды талқылады. 

«Біз Молдовамен ынтымақтастықты нығайтуға және сауда-экономикалық серіктестікті одан әрі кеңейтуге ниеттіміз. Өзара қарым-қатынастарымызды дамыту үшін бізде барлық мүмкіндік бар деп ойлаймын», – деді Қасым-Жомарт Тоқаев. 

Молдова Республикасының Президенті жылы қабылдағаны үшін ризашылық білдіріп, мемлекетаралық диалогтың жемісті сипатын айтты. 

«Елдеріміз арасында достық қатынастар орнаған. 30-дан астам екіжақты келісімдерге қол қойылды. 12 құжат қаралуда. Молдова үшін Еуразиялық экономикалық одақпен интеграциялық үдеріс маңызды саналады. Бұл бағытта біздің алдымызда ауқымды жұмыс тұр», – деді Игорь Додон.

Загрузка...