Бас жаңалықтар
Тоқаев Арыстағы жарылысқа қатысты кінәлілердің барлығын жауапқа тартуды тапсырды
17 Шілде 2019, 16:58 198

Тоқаев Арыстағы жарылысқа қатысты кінәлілердің барлығын жауапқа тартуды тапсырды

Нұр-Сұлтан, BAQ.KZ. Қазақстан президенті Бас прокурор Ғизат Нұрдәулетовті қабылдап, кездесу барысында Арыстағы жарылыстарға қатысты қылмыстық істі тергеу барысында әділдік пен заңдылықты қамтамасыз етуді тапсырды. Бұл туралы Ақорданың баспасөз қызметі хабарлады. 

Қасым-Жомарт Тоқаевқа қадағалаушы органның биылғы бірінші жартыжылдықтағы жұмыстарының нәтижелері мен алдағы кезеңге арналған жоспарлары туралы мәлімет берілді.

Сонымен қатар, мемлекет басшысына Бас прокуратураның құқық қорғау органдарының қылмыспен күреске және қоғамдық тәртіпті қамтамасыз етуге бағытталған үйлестіру функциясын күшейту жұмыстарының орындалуы жөнінде баяндалды. Сондай-ақ, Ғизат Нұрдәулетов азаматтардың конституциялық құқықтарын қорғау жөніндегі шаралар туралы есеп берді.

"Қазақстан президенті Бас прокурорға Арыс қаласындағы жарылыстарға қатысты қылмыстық істі тергеу барысында әділдік пен заңдылықты қамтамасыз етуді және кінәлі тұлғалардың бәрін жауапқа тартуды тапсырды", - делінген хабарламада.

Сондай-ақ, Қасым-Жомарт Тоқаев күш-жігерді азаматтардың құқығын қорғауға, сыбайлас жемқорлық пен көлеңкелі экономикаға қарсы күреске жұмылдыру қажеттігін айтты.



Фото: дереккөз

Сізден жаңалық