Нұр-Сұлтан, BAQ.KZ. Елордада сүйіктісінің екі тонын ұрлап кеткен азамат ұсталды.
Екі бұлғын тонды күдікті ломбардқа өткізіп үлгерген. Полиция оны дер кезінде тәркіледі.
Бұл туралы Нұр-Сұлтан қаласы ПД баспасөз қызметі хабарлады.
Криминалдық полиция қызметкерлері жедел іздестіру барысында 25 жастағы елорда тұрғынын құрықтады.
Мән-жайды анықтау барысында жастар ұзақ уақыт бойы жүріп жүрген көрінеді. Пәтерге емін-еркін кіріп жүрген жігіт үйден екі қымбат бұлғын (соболь) тонды алып шығып, ломбардқа өткізіп жіберген. Зардап шеккен бойжеткен кеткен шығынның құнын 1 млн деп бағалады, - делінген хабарламада.
Бұл дерекке сәйкес ҚР ҚК 188-бабына сайкес сотқа дейінгі тергеу амалдары басталды. Күдікті кінәсін мойындады. Заттай айғақтар тәркіленді.