Тоқаев «Ел есінде» кешені мен «Қасиетті Отан» музейін аралады
PHOTO
25 Қазан 2021, 20:40 20010

Тоқаев «Ел есінде» кешені мен «Қасиетті Отан» музейін аралады

Нұр-Сұлтан, BAQ.KZ. Мемлекет басшысы «Ел есінде» мемориалды кешеніне және «Қасиетті Отан» музейіне барды. Бұл туралы Ақорданың баспасөз қызметі хабарлады.

Қазақстан Президенті Түрікменстанға мемлекеттік сапары аясында 1881 жылғы шайқасты, 1941-1945 жылдардағы Ұлы Отан соғысында қаза тапқандарды және 1948 жылғы Ашхабад жер сілкінісінің құрбандарын еске алуға арналған тарихи кешенге барды. Кешенде аталған оқиғаларда қаза тапқандар мен батырларға қойылған ескерткіштер, монументтер бар.

«Қасиетті Отан» музейінде Мемлекет басшысына Ұлы Отан соғысындағы әскери оқиғалардың макеттері мен жер сілкінісінің экспонаттары таныстырылды.

Қасым-Жомарт Тоқаев құрметті қонақтар кітабына қолтаңбасын қалдырды.



Фото: дереккөз
Загрузка...