Тоқаев бірқатар еуропалық компанияның жетекшілерімен кездесті

26 Қараша 2021, 17:41
643
Бөлісу:
Тоқаев бірқатар еуропалық компанияның жетекшілерімен кездесті

Нұр-Сұлтан, BAQ.KZ. Қасым-Жомарт Тоқаев бірқатар еуропалық компанияның жетекшілерімен кездесті. Бұл туралы Ақорданың баспасөз қызметі хабарлады.

Мемлекет басшысы Брюссельде еуропалық бизнес өкілдерімен, атап айтқанда бельгиялық «Joh Cockerill» компаниясының басқарма төрағасы Жан-Люк Моранжбен және немістің «Svevind Group» компаниялар тобының президенті Вольфганг Кроппен кездесті.

Тоқаев бірқатар еуропалық компанияның жетекшілерімен кездесті

Мемлекет басшысы Қасым-Жомарт Тоқаев Жан-Люк Моранжбен Қазақстандағы теміржол локомотивтері мен жаңартылатын қуат көздерін жаңғыртуға бағытталған инвестициялық жобаларды іске асыру перспективаларын талқылады.

Тоқаев бірқатар еуропалық компанияның жетекшілерімен кездесті

Вольфганг Кроппен кездесуде Маңғыстау облысында «жасыл» сутегі өндірісі саласындағы Hyrasia One инвестициялық жобасын жүзеге асыру мәселесі сөз болды. 

Қасым-Жомарт Тоқаев бұған дейін қолға алынған инвестициялық жобалардың қарқынды жүзеге асырылып жатқанына жоғары баға беріп, олардың Қазақстан үшін аса маңызды екенін атап өтті. Мемлекет басшысы елімізде жұмыс істейтін компаниялардың жобаларының жүзеге асырылу барысын өз бақылауына алатынын айтты. Бұл ретте барлық экологиялық нормативтер мен нұсқаулардың сақталуы қажет екенін жеткізді.

Тоқаев бірқатар еуропалық компанияның жетекшілерімен кездесті

Кездесу соңында Мемлекет басшысының қатысуымен Қазақстан Үкіметі мен «Svevind Group» компаниялар тобының арасында Жобаларды іске асырудың негізгі қағидаттары туралы шекті келісімге қол қою рәсімі өтті.



Өзгелердің жаңалығы