Бас жаңалықтар
Тоқаев үкіметтің атаулы әлеуметтік көмекке қатысты есебін тыңдады
09 Желтоқсан 2019, 23:22 2846

Тоқаев үкіметтің атаулы әлеуметтік көмекке қатысты есебін тыңдады

Нұр-Сұлтан, BAQ.KZ. Президент Қасым-Жомарт Тоқаев премьер-министрдің орынбасары Бердібек Сапарбаевтың есебін тыңдады. Бұл туралы Ақорданың баспасөз қызметінен хабарлады. 

Онда Үкіметтің еліміздегі әлеуметтік қамсыздандыруға мұқтаж тұрғындардың жағдайына қатысты атқарып жатқан жұмысы туралы айтылды. 2020 жылдан бастап атаулы әлеуметтік көмек, ең алдымен, аз қамтылған отбасылардың балаларына беріледі.

Мемлекет басшысы облыстардағы азаматтардың арыз-шағымдарын әділ әрі тиімді қарастыруға ерекше көңіл бөлуді тапсырды. Осыған байланысты барлық деңгейдегі әкімдердің жауапкершілігі айтарлықтай артатын болады.

Кездесу барысында міндетті медициналық сақтандыру жүйесін сапалы жүзеге асыру мәселесі де қарастырылды. Үкіметке нақты тапсырмалар берілді.

Сонымен қатар бүгін Қасым-Жомарт Тоқаевқа Есеп комитетінің төрағасы Наталья Годунова  Қорғаныс министрлігіне, "Қазақстан инжиниринг" Ұлттық компаниясы" акционерлік қоғамына және "Қазарнаулыэкспорт" республикалық мемлекеттік кәсіпорнына жүргізілген мемлекеттік аудиттің қорытындысы туралы баяндады. Есеп комитетінің төрағасы "Қазақстан инжиниринг" компаниясының қаржылық-шаруашылық жұмысындағы ретсіз шығындар, қарыз жүктемелерінің артуы, холдингтегі өндіріс жүйесінің әбден ескіргені жөнінде мәлімет берді, - делінген хабарламада. 

Мемлекет басшысы аудит қорытындысы бойынша жинақталған материалдарды өкілетті органдарға жолдауды, лауазымды тұлғалардың жауапкершілігін қарастыруды тапсырды.


Фото: ашық дереккөз
Загрузка...