Бас жаңалықтар
Таза жеңіс – Елеусіновтің менеджері қиындықтар мен келесі жекпе-жек жайлы
26 Мамыр 2019, 17:37 648

Таза жеңіс – Елеусіновтің менеджері қиындықтар мен келесі жекпе-жек жайлы

Нұр-Сұлтан, BAQ.KZ. Қазақстандық кәсіпқой боксшы Данияр Елеусіновтің (7-0, 3 КО) менеджері Зия Әлиев Олимпиада чемпионының келесі жекпе-жегі туралы әңгімеледі. Бұл туралы Vesti.kz хабарлады.

Ол сондай-ақ, Елеусінов жеңген чилилік Луис Норамбуэномен болған жекпе-жекке ойын айтты.

"Данияр үшін қарсыласы ыңғайсыз болды. Ол чилилікке дағдыланып, оның қалай жұмыс істейтінін түсінуге тырысты. Нәтижесінде Данияр таза жеңіске жетті. Енді келесі кездесуді күтеміз, ол 27 шілдеде болады. Техаста - Далласта. Келесі аптада немесе екі апта ішінде нақтысы анықталады деп ойлаймын. Данияр он күннен кейін жаттығуларын бастайды. Қазір ол демалып жатыр. Жағдайы жақсы, үлкен жарақаты жоқ. Жекпе-жек кезінде баспен соқтығысқан, беті біраз ісіп кетті. Қолы сау. Барлығы жақсы", - деді Зия Әлиев.

Еске салсақ, қазақстандық Олимпиада чемпионы Данияр Елеусінов АҚШ-та жетінші кәсіби жекпе-жегін өткізіп, төрешілердің бірауыздан шешімімен жеңіске жетті.


Фото: дереккөз
Загрузка...