Бас жаңалықтар
Таразда 3 жасөспірімге белгісіз біреулер оқ атты
19 Сәуiр 2021, 18:02 199

Таразда 3 жасөспірімге белгісіз біреулер оқ атты

Нұр-Сұлтан, BAQ.KZ. Таразда кәмелетке толмаған 3 бала оқ жарақатымен ауруханаға жеткізілді. Бұл туралы Жамбыл облысы ПД баспасөз қызметі хабарлады.

15 сәуір күні Шөлдала алқабы, Дорожник массивіндегі каналдың жанында 3 автокөлікпен белгісіз адамдар келіп, бірнеше оқушыны қарумен (бытыра оқтар) атып кеткені туралы хабар келіп түсті, - делінген хабарламада.

Тараз қаласының Полиция басқармасына үш кәмелетке толмаған баланың оқ-дәрі (бытыра) жарақатымен облыстық балалар ауруханасына жеткізілгені туралы хабарлама келіп түсті. 

Аталған дерек бойынша сотқа дейінгі тергеп-тексеру амалдары жүргізілуде. Қылмысты жасаған күдікті ұсталып, қамауға алынды. Кәмелетке толмағандардың денсаулық жағдайлары тұрақты, өмірлеріне ешқандай қауіп жоқ, - деді Жамбыл облысы ПД баспасөз қызметі.

Қылмыстық істің толық мән-жайы Қылмыстық-процессуалдық кодекстің 201-бабына сәйкес тергеу мүддесіне байланысты жариялануға жатпайды.


Фото: дереккөз
Загрузка...