Бас жаңалықтар
Төрт бағыт бойынша жүретін пойыздар саны артады
26 Қыркүйек 2020, 13:46 758

Төрт бағыт бойынша жүретін пойыздар саны артады

Нұр-Сұлтан, BAQ.KZ. «Жолаушылар тасымалы» АҚ келесі жолаушылар пойыздарының жүру мерзімділігі артқаны туралы хабарлады.

1) №1/2 «Алматы-2 – Шымкент» аптасына 1 реттен 3 ретке дейін, Алматыдан-2-ден 2020 жылдың 10 қазанынан бастап, ал Шымкенттен 2020 жылдың 11 қазанынан бастап;

2) №11/12 «Алматы-2 – Шымкент» аптасына 2 реттен 4 ретке дейін, Алматыдан-2-ден 2020 жылдың 13 қазанынан бастап, ал Шымкенттен 2020 жылдың 14 қазанынан бастап;

3) №31/32 «Алматы-2 – Павлодар» 2020 жылдың 11 қазанынан бастап Алматыдан, 2020 жылдың 12 қазанынан бастап Павлодардан күн сайын жөнелтіледі;

4) №603/604 «Нұр – Сұлтан Нұрлы жол – Арқалық» 2020 жылдың 2 қарашасынан бастап Нұр-Сұлтаннан, 2020 жылдың 3 қарашасынан бастап Арқалықтан күн сайын жөнелтіледі.

Жолаушылар пойыздарының қозғалыс кестесі бойынша барлық ақпаратты «105» нөмірі арқылы алуға болады.

Ұлттық тасымалдаушы жолаушылардан жол жүру құжаттарын онлайн, соның ішінде ресми BILET.RAILWAYS.KZ сайты арқылы ресімдеулерін, жолаушылардан санитарлық-карантиндік талаптарды, әлеуметтік қашықтықты (кемінде 1 метр), вокзал аумағында және пойыз ішінде бетперде режимін қатаң сақтауларын сұрайды. Сондай-ақ, сапарға шығар күні билеттер болмаған жағдайда, «Күту парағы» атты тегін қызметті пайдалануға болатынын еске саламыз, - деп хабарлады «Жолаушылар тасымалы» АҚ баспасөз қызметі.


Фото: ашық дереккөз
Загрузка...