Нұр-Сұлтан, BAQ.KZ. Түркістан облысының екі тұрғынынан қызыл кітапқа енген құстар тәркіленді.
2020 жылғы 3 сәуірде "Охотзоопром" ӨБ" РМҚК-ның инспекторлары Сайрам аудандық полиция бөлімінің қызметкерлерімен бірлескен рейдтік шара барысында Түркістан облысы Сайрам ауданы Манкет ауылының екі тұрғынының үйінен Қызыл кітапқа енген құстар (2 бас бүркіт, 1 бас үкі) табылып, тәркіленді, – делінген хабарламада.
Қазіргі таңда, құстар Шымкент қалалық зоологиялық саябағына уақытша ұстауға тапсырылды.
Аталмыш фактілер Сайрам ауданы полиция бөлімінің СДТБТ-де ҚР Қылмыстық кодексінің 339 бабымен тіркелді.
