Түркістан облысындағы ұстаздар Түркия елінен тәжірибе алмасып қайтты

18 Қаңтар 2019, 13:53
3298
Бөлісу:
Түркістан облысындағы ұстаздар Түркия елінен тәжірибе алмасып қайтты

Астана, BAQ.KZ. Түркістан облысы әкімі Жансейіт Түймебаевтың қолдауымен ағымдағы жылдың қаңтар айының 9-14 аралығында 40-тан аса аймақ ұстаздары Түркия елінде тәжірибе алмасып қайтты. Бұл туралы Түркістан облысы әкімінің баспасөз қызметі хабарлады.

Анадолы жеріне табан тіреген түркістандықтар әуелі Ыстамбұл қаласындағы Абай атындағы мектепке барды. Заманауи үлгідегі мемлекеттік мекемеде білім берудің жаңа технологияларымен танысып, «Doga» колледжінде қонақта болды. Студенттер техникалық білімдерімен, ғылыми ізденістерімен, халықаралық жетістіктерімен ерекшеленеді.

Айта кетерлігі, Түркияда оқу жылы 15 қыркүйекте басталып, 15 маусымда аяқталады. Онда мемлекеттік, жекеменшік және кешкі мектептер бар. Оқу жылы 2 жарты жылдыққа бөлінеді. Апталық жүктемеге 20-24 сағат ағылшын, 5-9 сағат неміс тілі енгізілген. Таңдау пәндеріне сай ата-аналар балаларына дін, аспаздық, өнер сабақтарын үйретуге құқылы. Қыздар мен ер балалар бөлек сыныптарда білім алады. Шахмат пәні аптасына 8 сағат өткізіледі. Робототехника мектеп қабырғасында міндетті саналады. Дене шынықтыру сабағының 10-12 сағаты бассейінге арналған.

Облыс басшысының қолдауымен қолға алынған айрықша жоба жыл соңына дейін жалғасады.

Өзгелердің жаңалығы