Бас жаңалықтар
Түркістан облысындағы мекемелер экочэлленджді қолдады
14 Қыркүйек 2019, 15:46 313

Түркістан облысындағы мекемелер экочэлленджді қолдады

Нұр-Сұлтан, BAQ.KZ. ҚР Цифрлық даму, инновациялар жəне аэроғарыш өнеркəсібі министрлігі «Бірге – Таза Қазақстан» экологиялық акциясына қолдау білдіріп, республиканың əр аймағында тазалық шараларын өткізді. 

Республикалық чэлленджге министрлікке қарасты «Азаматтарға арналған үкімет» мемлекеттік корпорациясы, "Мемлекеттік радиожиілік қызметі" РМК» қызметкерлері қатысты. Жалпы республикалық деңгейде өтіп жатқан акция қоршаған ортаны қоқыстан тазартып, еліміздің экологиялық жағдайын жақсартуға бағытталған. 

Түркістан облысы бойынша филиал директоры Ержан Жеңісбековтың айтуынша, маңызды экологиялық шараны мемлекеттік корпорацияның барлық аймақтағы филиалдары мен ҚР ЦДИАӨ министрлігіне қарасты мекемелер қолдады.

«Бүгін біз əріптестерімізбен «Жеңіс» саябағы аймағын тазартудамыз. Қызметкерлеріміз туған жерді көркейтуге өзіндік үлес қосып жатыр. Ғасырлар бойы ыдырамайтын пластик сияқты қоқысты жинау – өте маңызды. Өңір тұрғындарын осындай тазалық акциясын қолдауға ғана емес, айналаны таза ұстап қалдықтарды тастамауға шақырамын», – деп қосып өтті директор.

Айта кетейік, Түркістан облысы аймағын жинауға 325 қызметкер жұмылдырылды. Олар бірлесіп, 383000 м2 жерді тазартып, 16 тонна қоқыс шығарды. «Азаматтарға арналған үкімет» мемлекеттік корпорациясы» Түркістан облысы филиалының баспасөз қызметі

Фото: дереккөз
Загрузка...