Сұлтанов АҚШ-қа қазақстандық тауар экспортын арттыруды ұсынды

19 Қазан 2019, 12:18
4638
Бөлісу:
Сұлтанов АҚШ-қа қазақстандық тауар экспортын арттыруды ұсынды

Нұр-Сұлтан, BAQ.KZ. Вашингтонда Дүниежүзілік банк тобы мен ХВҚ Директорлар кеңесінің жыл сайынғы отырыстары аясында Қазақстан Республикасының Сауда және интеграция министрі Бақыт Сұлтанов АҚШ Сауда Хатшысы Уилбур Росспен екіжақты кездесу өткізді.

Кездесу Қазақстан Республикасы мен АҚШ арасындағы Экономикалық ынтымақтастық жөніндегі жоғары деңгейлі кездесу аясында өтті. Бұл бастама Қазақстан Республикасының Тұңғыш Президенті Елбасының 2018 жылғы қаңтардағы сапары кезінде басталған болатын.

Кездесу барысында тараптар ішкі және сыртқы сауда, тауарлар мен қызметтерді экспорттау, коммерциялық және инвестициялық жобаларды іске асыру, Tyson Foods компаниясымен бірлескен жобалар, бірлескен жобаларға (AIFC) қаржылық қолдау көрсетудің екі жақты ынтымақтастық саласының мәселелерін, санкциялар саясаты, зияткерлік меншік және электрондық саудамәселелерін, сондай-ақ ДСҰ және ЭЫДҰ шеңберінде ынтымақтастықты талқылады.

Америка Құрама Штаттары Қазақстанның негізгі стратегиялық серіктестерінің бірі. Біздің елдеріміз арасындағы сауда айналымы көлемі 2018 жылы алдыңғы жылмен салыстырғанда 36%-ға артып, 2,2 млрд долларды құрады.

2019 жылдың 8 айының қорытындысы бойынша өткен жылдың ұқсас кезеңіндегі деректерді сақтай отырып, Қазақстан Республикасы мен АҚШ арасындағы тауар айналымы 1,4 млрд долларға жетті.

Сауда-экономикалық ынтымақтастықты одан әрі дамыту және оның жоғары серпінін қолдау үшін жеткізілетін тауарлар мен қызмет номенклатурасын кеңейту, іскер топтар арасында тікелей байланыс орнату бойынша бірлескен жұмысты жалғастыру ұсынылды.

Қазақстандық тарап АҚШ-қа қазақстандық тауарлардың экспортын 50 тауар позициясы бойынша 802,1 млн доллардан астам сомаға ұлғайтып, өзара саудадағы оңтайлы трендті нығайтуды ұсынды.

Өзгелердің жаңалығы