Бас жаңалықтар
Стрит-арт. Суретшілер Абайдың муралын салуды бастады
PHOTO
22 Қыркүйек 2020, 14:27 192

Стрит-арт. Суретшілер Абайдың муралын салуды бастады

Нұр-Сұлтан, BAQ.KZ тілшісі. Қазақ Ұлттық университетінің студенттері, суретші-безендірушілер Райымбек Сәкенов пен Айдос Шекер музей қонақтары алдында Абайдың муралын салуды бастады.

Бүгін ҚР Ұлттық музейі алдындағы ашық алаңда «Стрит-арт» перформансы өтті.

абай13.jpg

Музей – Қазақстан тарихы мен бүгінгі күннің әлеуметтік мәселелері көрініс тапқан суретшілердің жұмыстарын мәдени ортада насихаттайтын басты алаң. Бүгінгі күні граффитиді мемлекет пен қоғам арасындағы қалалық қатынас құралы ретінде қолданатын елдер саны артып келеді.

абай20.jpg

Аталған перформансқа еліміздің бірқатар республикалық және халықаралық байқауының жеңімпаздары, мемлекеттік көрмелердің қатысушылары, суретші-безендірушілері Райымбек Сәкенов пен Айдос Шекер қатысты.

абай29.jpg

Аталған өнер түріне өз үлесімізді қоса алатынымызға өте қуаныштымын. Бұл - әлемде өте танымал өнердің бірі. Сондай-ақ, жастардың бастамаларына үнемі қолдау көрсететін Қазақ Ұлттық өнер университетіне алғысымды айқым келеді, - деді суретші Райымбек Сәкенов.
абай18.jpg

Стрит-арт - көше стиліндегі сурет. Сондықтан музейдегі суреттерден айырмашылығы – суретшілер өздерінің ойларын кеңінен жеткізуге және өзінің ішіндегі ойды тоқтаусыз, шектеусіз жеткізуге мүмкіндік беретін стиль. Бұл өнер түрі негізінен батыстан келген. Кезінде суретшілерге шектеу қойып, қиын жағдай түскен кезде өздері көшеге шығып, көзқарастарын жеткізу барысында осы стиль пайда болған. Сол себепті еліміздегі біз сияқты жастарды қолдап отырғандарыңызға рахмет айтамыз, - деді Қазақ Ұлттық университетінің 5-курс студенті Айдос Шекер.
абай15.jpg

Оның айтуынша, Абай атамыз 175 жыл бұрын дүниеге келсе де өз заманында қазіргі проблемаларды айтып кеткен.

абай27.jpg

Өнердің өзінің кезеңдері болады. Мысалы, Жаңа даму, Барокко кезеңі сияқты. Осыған ұқсас көше өнерінің өзінің де кезеңі бар. Оның нақты тоқталған стилі болмайды. Жалпы суретші не көрсеткісі келеді, ішкі дүниесін, ойын, толғанысын қолындағы бар түстермен көрерменге жеткізуге тырысады. Бүгінгі көрменің ерекшелігі соны дәріптеу. Таңдаған тақырыбымыз – Абай атамыз. Ол кісі 1845 жылы дүниеге келгенімен, ол қазіргі проблемаларды өз заманында айтып кеткен. Жастар Абай атамызды дәріптеп, айтқан ойларын өздеріне сіңірсе деген оймен Абай атамыздың суреті тақырыбын таңдаған болатынбыз. Онымен қоса, биыл Ұлы ақынның 175 жылдығы. Осы атаулы датаға орайластырып та алдық, - деді суретші Айдос Шекер.

абай17.jpg

Оның сөзінше, Абайдың айтқан сөздері өткір. Сондықтан суретті салуда көзге анық көрінетіндей түстер таңдалған. 

абай25.jpg

Айта кетейік, туындының көлемі шамамен 20 метр. Туындыны Ұлттық музейдің 1-қабатындағы қабырғадан тамашалауға болады.

абай23.jpg

Сонымен қатар стрит-арт өнерінің жаңа мүмкіндіктері көрермендерге тарихи тұлғаларға байланысты қазіргі заман тақырыбын терең ашатын ең маңызды, құнды туындыларды ұсынады.

абай26.jpg


Фото: Артём Чурсинов
Загрузка...