Бас жаңалықтар
Сотталушыға «Қазпошта» арқылы есірткі жіберілген
04 Қыркүйек 2021, 07:43 198

Сотталушыға «Қазпошта» арқылы есірткі жіберілген

Нұр-Сұлтан, BAQ.KZ. Қарағанды облысы АК-159/18 мекемесінің қызметкерлері сотталғандарға жасырын есірткі жіберу дерегін анықтады. Ішінде есірткі бар сәлемдеме «Қазпошта» арқылы келген.

Есірткіні беру әрекетін колония қызметкерлері тамыздың соңында анықтаған. Гашиш пен азық-түлік салынған пакет сотталған педофилге арналған.

ҚР ҚК-нің 124-бабы «Жас балаларды азғыру» бойынша жазасын өтеп жатқан сотталушыға арналған сәлемдемені тексеру кезінде АК-159/18 мекемесінің қызметкерлері, 6505 әскери бөлімінің әскери қызметшілерімен бірлесіп, жалпы салмағы 1,5 килограмға жуық ұсақ темекісі бар қапшықты тапты. Темекі пакетінде ерекше иісі бар жасыл қоспа күдік тудыруға себеп болды. Бұл пакет сараптамаға жіберілді, сараптама барысында қызметкерлердің күдіктері расталды. Зерттелген зат гашиш пен темекінің қоспасы болып шықты, – деді Қарағанды облысы ҚАЖД баспасөз қызметіндегілер.

Дерек бойынша ҚР ҚК-нің 296-бабының 2-бөлігі «Есірткі, психотроптық заттармен, сол тектестермен өткізу мақсатынсыз заңсыз жұмыс істеу» бойынша тергеу жүргізіліп жатыр. Сәлемдемені жіберуші Майқұдық тұрғыны.

Сонымен қатар «Қазпошта» АҚ жағдайға қатысты пікір білдірді. Компанияның баспасөз қызметі пошта бөлімшелеріндегі сәлемдемелерді операторлар ашылмаған ыдыста қабылдайтынын мәлім етті. Оператор әр затты қарап тексереді, бірақ әрбір қапты немесе затты ашпайды.



Фото: ашық дереккөз
Загрузка...