Смайылов үш министрлікке бір аптаның ішінде атқарылуы тиіс тапсырма берді

12 Қаңтар 2022, 10:18
1504
Бөлісу:
Смайылов үш министрлікке бір аптаның ішінде атқарылуы тиіс тапсырма берді

Нұр-Сұлтан,BAQ.KZ тілшісі. Бұл туралы ҚР Премьер-министрі Әлихан Смайылов Үкімет отырысында айтты.

Оның мәлімдеуінше, утилизациялық алым мәселесін реттеу үшін Экология, Қаржы және Ұлттық экономика министрліктері Үкіметке бірлескен ұсыныс әзірлеп, енгізетін болды.

Утилизациялық алым мәселесі бойынша Экология министрлігіне Қаржы, Ұлттық экономика министрліктерімен, басқа да мүдделі мемлекеттік органдармен және ұлттық кәсіпкерлер палатасымен бірлесіп, нақты іске асыру механизмдері мен тиісті ұсыныстар енгізуді тапсырамын,- деді Смайылов.

Премьер-министрдің сөзінше, мұнай өнімдерінің нарығындағы жағдайды реттеуге Бас прокуратура атсалысады.

Екінші энергетика министрлігіне Бәсекелестікті қорғау және дамыту агенттігімен, Бас прокуратурамен және басқа да мемлекеттік органдармен бірлесіп, мұнай өнімдері нарығын реттеу бойынша шаралар кешенін әзірлеуді тапсырамын. Үшінші бюджетке қосымша кіріс көзінің бірі – бензин өндірушілер мен делдалдарға арналған акциздер болуы тиіс. Энергетика министрлігіне Қаржы, Ұлттық экономика министрліктерімен бірге бір аптаның ішінде тиісті есептер жасап, ортақ ұсыныстар енгізуді тапсырамын, -деді Премьер-министр.

Өзгелердің жаңалығы