Бас жаңалықтар
СҚО-да тағы екі елді мекен карантинге жабылды
12 Қазан 2020, 16:14 91

СҚО-да тағы екі елді мекен карантинге жабылды

Нұр-Сұлтан, BAQ.KZ. Есіл ауданының Явленка ауылы және Мамлют облысының Мамлютка қаласы карантинге жабылды. Бұл аймақтағы коронавирус салдарынан жабылған екінші және үшінші аудан орталықтары. 

Бұл туралы zakon.kz хабарлады.

Ең алдымен 9 қазанда Булаево қаласындағы Мағжан Жұмабаев ауданы жабылды. Соңғы екі аптада ол жақта коронавирусты жұқтырудың 15 жағдайы тіркелген. 

Явленка ауылы мен Мамлютка қаласы 11 қазанда сағат 00.00-ден бастап жабылды.

Есіл ауданының бас санитар дәрігерінің айтуынша, Явленка аумағында шектеу шаралары енгізілген. Оның ішінде кәсіпкерлік және өзге де қызмет пен тұрғындардың өмірі үшін ерекше жағдайдағы карантин енгізілген. Ауылға кіру және шығу қатаң тәртіп жүйесінде ауылдық округ әкімдері берген рұқсат қағаздарымен жүзеге асырылады.

Мамлюткада бақылау-өткізу пункттері орнатылып, түнгі уақытта үйден шығуға тыйым салынды. Адамдардың қалаға кіруіне және шығуына тыйым салынады (11.10.2020 жылы сағат 00.00-ге дейін тұрақты тұратын жерлеріне кіруге/шығуға рұқсат етіледі).

Мемлекеттік органдарды, әкімдіктерді, құқық қорғау органдарын, Денсаулық сақтау ұйымдарын, қоғамдық тамақтану объектілерін, БАҚ, ТҚС, салттық қызмет көрсету объектілерін, азық-түлік дүкендерін, дезинфекциялау құралдарын, құрылыс материалдарын сату жөніндегі мамандандырылған дүкендерді қоспағанда, меншік нысанына қарамастан барлық кәсіпорын мен ұйымның қызметі тоқтатылды.

Петропавловск.news сайтының хабарлауынша, жабық аудан орталықтарымен автобус қатынасы тоқтатылды. Олар Петропавл — Мамлютка, Петропавл — Явленка және Петропавл - Булаево тұрақты рейстері.


Фото: ашық дереккөз
Загрузка...