Бас жаңалықтар
Өскеменде жаңа шаңғы жолдары пайда болады
25 Қаңтар 2019, 22:20 757

Өскеменде жаңа шаңғы жолдары пайда болады

Астана, BAQ.KZ. Өскемен қаласының аумағында шаңғы жолын жүргізуге арналған үш орын белгіленіп отыр.

Аltaynews.kz сайтының мәліметінше оның біреуі Комсомол аралында пайда болмақ. Мұнда бірден екі спорттық нысан салынбақшы: ұзындығы 800 метрлік жарықтандырылған жол және ұзындығы 1,5 шақырымдық жарықтандырылмаған жол.

Шаңғы жолының екіншісі – Аблакетка ауданында. Нақтырақ айтқанда, Коммунальная көшесінің бойынан 2,5 шақырымдық шаңғы жолы өтетін болды.

Үшінші жол – «Ольга Рыпакова» жеңіл атлетика манежінің аумағында. Бұл жердегі шаңғы жолының ұзындығы екі шақырым болмақ.

«Одан бөлек, балаларды қалалық жарыстарға дайындау үшін қаладағы әр мектептің аумағынан арнайы шаңғы жолы салынады», – деп мәлім етті қалалық  дене шынықтыру және спорт бөлімінің басшысы Алмас Атаев.

Загрузка...

Сізден жаңалық